🍩#StudioCaffeine #bagel🍩
「治療系貓貓拉花☕️」
🍞The New Yorker$80
🍴素菜全日餐$80+$15轉牛角包
☕️熱朱古力（跟餐$35以下不用加錢）
🍰紅絲絨蛋糕$38
🍫朱古力蛋糕$38
廟街有咩好食？今日朋友帶路食好野☺️小店門口望落小小的，但空間感都幾大，位都幾多👏食下all day breakfast bagel🍞飲下咖啡食下蛋糕🍰野食仲有意粉同窩夫等等～
The New Yorker，喜歡食包叫左個bagel食下😋入面有燻牛肉、忌廉芝士、黃瓜、瑞士芝士、蕃茄、黃芥芥、火箭菜。個bagel好大個啊，一個人食晒一定好飽😳食落去咬感十足😋有啖啖芝麻香，食到燻牛肉部分唔會過咸，有埋cream cheese好夠味啊，好喜歡唔會溜，食一個做lunch真滿足😍
🌱素菜全日餐，+$15轉左牛角包，牛角包係大個果隻，果然一分錢一分貨🌝all day入面有納豆、番茄、沙律菜、大啡菇、黑松露薯蓉、炒蛋同提子。份量認真夠勁👍而且賣相好靚😍好吸睛！比較健康既配搭，小左平時食既腸仔、煙肉，冇咁濟。多纖維既all day breakfast好吸引😋當然小店都有肉食既all day啦～入面既黑松露薯蓉好好食，比起炸薯餅我更喜歡這個☺️大啡菇唔會乾仲好多水份👍有質素既all day😋
☕️熱朱古力（跟餐$35以下不用加錢）不用加錢既情況下飲到尼杯勁q既貓貓拉花熱朱古力真係好開心💜相機飽飽，心情都特別靚☺️
紅絲絨蛋糕，心情靚靚食下甜品，有個蛋糕櫃有好多款式既蛋糕，蛋糕都大大件，賣相都好靚🍰尼件蛋糕好味😍唔會過甜，不過紅絲絨本來係咩味就唔係太清楚，尼個一層紅絲絨蛋糕一層cream，係好味既👍
朱古力蛋糕，朋友簡左朱古力蛋糕🍫平時好小食朱古力蛋糕因為都好驚一係太甜一係太苦，omg尼個我好鐘意，雖然佢係甜但真係朱古力既甜，唔係死甜唔係假甜，我好鐘意😋上面有d朱古力脆脆，蛋糕係一層朱古力海綿蛋糕一層口感硬硬既朱古力。不過蛋糕一定要share食，佢一件蛋糕都好大件下，而且$38一件真係好抵食
意想不到咖啡店既蛋糕咁有驚喜💜抵食又好味☺️整體真係幾正😍
📍佐敦廟街284號地下
Search